Thursday, September 21, 2017

अस्पताल

सुविधा त सबि छन यख
अजगाल अस्पताल मा
डागटर च
दवे च
कंपौंडर च
यख तक कि
नर्स अर आया भि च
पर हां !

इतगा जरूर च कि
जब डागटर रैंद
तब दवे नि रैंदी
अर जब दवे रैंद,
तब कम्पौंडर रैंद/ कपाळ पखड़ि बैठ्यूं
अफ्फुई म्वन्नु रैंद जैर्ल
त हौरूं कि क्य स्वचण वेन
बक्कि
नर्स अर आया कु क्य ब्वन
वो त भग्यान
कन हि लगीं छन
अपणी नौकरी/
ये दुर्गम इलका मा।

आशीष सुन्दरियाल

Popular Posts

Blog Archive