नेत्र सिंह असवाल //
जयति जय-जय देवभूमि, जयति
उत्तराखंड जी
कांणा गरूड़ चिफळचट्ट, मनखि
उत्तणादंड जी।
तेरि रिकदूंल्यूं की जै-जै, तेरि
मुसदूल्यूं की जै
त्यारा गुंणी बांदरू की, बाबा
बजि खंड जी।
इक मिनिस्टर धुरपिळम् पट, एक
उबरा अड़गट्यूं
हैंकू खांदम नप्प ब्वादा, धारी
म्यारू डंड जी।
माट मंग ज्वन्नि व मेंहनत, मोल
क्वी नी खेति कू
यू बुढ़ापा पिनसन छ, रोग
जमा फंड जी।
मुंड निखोळू करिगीं बगतळ, ऊ भगत
त्यरा तरि गईं
जौंकि दुयया जगा टंगड़ी, ऊंकि
अकळाकंड जी।
दुख दलेदर कष्ट मिटलो, नौनु
बूंण जालु जी
गांणि-स्याणि-ताणि निशिदिन, रीटिगे
बरमंड जी।
परदेस अपणू देस अभि भी, अभि
भि ‘देसी’ ‘पहाड़ि’ जी
बत्तीस सीढ़ी ‘कुरदरा’ की, अभि भि घळचाघंड जी।
