तेरि सक्या त...

ब्वकदी रौ
मिन हल्ळु नि होण
तेरि सक्या त गर्रू ब्वकणै च

दाना हाथुन् भारु नि सकेंदु
अबैं दां तू कांद अळ्गौ
तेरि घ्यू बत्तयोंन् गणेश ह्वेग्यों
चौदा भुवनूं मा रांसा लगौ
ब्वकदी रौ मिन हल्ळु नि होण
तेरि सक्या त गर्रू ब्वकणै च

सदानि सिच्युं तेरु बरगद ह्वेग्यों
अपणा दुखूं मेरा छैल मा उबौ
ब्वकदी रौ मिन हल्ळु नि होण
तेरि सक्या त गर्रू ब्वकणै च

श्हैद मा शोध्यूं नीम नितर्वाणी
दिमाग बुजि सांका थैं ठगौ
ब्वकदी रौ मिन हल्ळु नि होण
तेरि सक्या त गर्रू ब्वकणै च

खाणै थकुलि तेर्यि सौंरिं
बारा पक्वान बावन व्यंजन बणौ
ब्वकदी रौ मिन हल्ळु नि होण
तेरि सक्या त गर्रू ब्वकणै च

Popular posts from this blog

गढ़वाल में क्या है ब्राह्मण जातियों का इतिहास- (भाग 1)

गढ़वाल की राजपूत जातियों का इतिहास (भाग-1)

गढ़वाली भाषा की वृहद शब्द संपदा